ஒளிச்சேர்க்கை: திரைப்பட ஒளிப்பதிவாளர் வி.கே. மூர்த்தியின் நிழல் - ஒளிப் பயணம்

ஒளிப்பதிவாளர்களுக்கு மூர்த்தியின் மந்திரங்கள்:  நீ ஒளிப்பதிவாளன் மட்டுமல்ல, எழுத்தாளனும் கூட. உன் வேலை ஒளியில் எழுதுவது. வெறுமனே வெளிச்சத்தில் தூரிகை ஆட்டுவதல்ல.  ஒளியும் கூட ஒரு கலைஞன் என்பதை நினைவில்கொள். ஒளியால் அது இரவா, மாலையா, விடியலா தெரியவரும். ஒளியால் மூட் துயரமானதா, மகிழ்ச்சியானதா, பீதியானதா தெரியவரும். ஒளியை கலைஞன் என்று நினைத்தால் சரியான மூட் படைக்க முடியும்.  உன் வேலை அழகான போட்டோகிரபி செய்வதல்ல. கதையை நன்றாகச் சொல்வது. நன்றாக கதை சொல்லும் போது கேமரா எங்கேயும் தலை நுழைக்காது.  ஒரு உருவம் மற்ற உருவ தொடர்பிலிருந்து மாற்றமடைய வேண்டும். நிறம் மற்றொரு நிறத் தொடர்பால் உண்டாவது போல. பச்சை, மஞ்சள், சிவப்பு வண்ணங்களின் அருகே நீல வண்ணம் நீலமாக இருப்பதில்லை. அந்த மாற்றம் இல்லாமல் கலை இல்லை.