நன்றி ஓ ஹென்றி: நவீன சிறுகதைகள்

ஞானவள்ளல், பிரம்மன் போன்ற புனைப்பெயர்களிலும் எழுதிவரும் சங்கரநாராயணன் எண்பதுகளின் இலக்கியவாதியாக கணிக்கப் படுகிறார். ஏறத்தாழ 95 நூல்களின் ஆசிரியர். இவர் கதைகள் ஆங்கிலம், இந்தி, குஜராத்தி, தெலுங்கு, மலையாள மொழிகளில் பெயர்ப்பு கண்டுள்ளன. பத்து நூல்கள் வெவ்வேறு பல்கலைக் கழகங்களிலும் தன்னாட்சிக் கல்லூரிகளிலும் தற்கால இலக்கியத் துணைப்பாட நூலாக அடையாளம் கண்டுள்ளன. தமிழக அரசு பரிசு, அன்னம் விருது, அக்னி அட்சர விருது, திருப்பூர் தமிழ்ச் சங்கம் பரிசு, பாரத ஸ்டேட் வங்கி பரிசு, லில்லி தெய்வசிகாமணி, அனந்தாச்சாரி அறக்கட்டளை பரிசுகள், இலக்கிய வீதி, இலக்கியச் சிந்தனை பரிசுகள் இவர் பெற்ற பரிசுகளில் சில. இவரது நாவல் வசிகரப் பொய்கள், கவிதை உறவு இலக்கியப் பரிசு - 2015ன் சிறந்த நாவல் முதல் பரிசு பெற்றுள்ளது. 2018ம் ஆண்டுக்கான ‘சிறந்த மொழிபெயர்ப்பாளர் விருது’ தமிழக அரசு இவருக்கு அளித்தது குறிப்பிடத்தக்கது.