பேய்க்காட்டுப் பொங்கலாயி

பழங்குடிகள் வனத்தை ஆள்வதில்லை. எவ்வித பங்கமும் செய்யாமல் அங்கிருந்து கிடைக்கும் பொருள்களைக் கொண்டு வாழ்கிறார்கள். காடுகளையும் மலைகளையும் விலங்குகளையும் பாதுகாக்கிறார்கள். வனத்தின் உணவுச்சங்கிலியில் பழங்குடிகளும் ஒரு கண்ணி. காபித் தோட்டங்களும் தேயிலைத் தோட்டங்களும் வனப்பாதுகாப்புத் திட்டங்களும் பழங்குடிகளை அந்தச் சங்கிலியில் இருந்து அறுத்து வனச்சூழலைச் சிதைத்துவிட்டன.