சுதந்தரத் தமிழ்நாடு ஏன்?

“இந்தியா” என்ற ஒரு நாடு என்றைக்கு இருந்தது? இந்தியா என்ற ஒன்று, முகம்மதியர் - வெள்ளைக்காரர் ஆகியவர் ஆட்சிக் காலத்துக்கு முன்பு என்றைக்காவது இருந்திருக்கிறதா? ஏதாவது ஆதாரம் காட்ட முடியுமா? வேதத்திலேகூட இந்தியா என்று ஒன்று உண்டா? உபநிடதங்களில் இருக்கிறதா? மனுதர்ம சாஸ்திரத்தில், இராமாயணத்தில், பாரதத்தில் இருந்திருக்கிறதா? அல்லது தமிழன் இலக்கியங்களிலாவது இருந்திருக்கிறதா?இவற்றில் ஒன்றில்கூட இந்தியா என்பதைக் காண முடியாதே! மற்றபடி பார்ப்பனர்களால் எழுதப்பட்ட எந்தப் புராணங்களிலும் இவை இல்லையென்றாலும், அவர்களது இலக்கியங்களிலாவது இருந்திருக்கிறதா? என்றால் அதுவுமில்லை! பின்னே இன்றைக்கு மட்டும் எப்படி இந்தியா என்ற நாடு முளைத்தது?