ஆர்டிபிஷியல் இண்டலிஜன்ஸ்

அடுத்த இருபது ஆண்டுகளில் மனித சமூகம் பெரும் சமூக மாற்றம் ஒன்றை நோக்கி நகர இருக்கிறது. இதற்கு காரணமாக அமைய இருப்பது ஆர்டிபிஷியல் இண்டலிஜன்ஸ் (Artificial Intelligence AI - செயற்கை நுண்ணறிவு) என்று சொல்லப்படும் மின்னணு மனித கருவிகளின் வரவு. மனித இன வரலாற்றில் இதுவரை மூன்று தொழில் நுட்ப கண்டுபிடிப்புகளே பெரும் சமூக மாற்றங்களை உருவாக்கியிருக்கின்றன. அந்த மூன்றுக்கும் முறையே கற்கருவிகளும், விவசாயமும், நீராவியும் காரணமாக இருக்க நான்காவதாக வர இருக்கும் பெரும் சமூக மாற்றத்திற்கு காரணமாக இருக்கப்போவதைத்தான் மேலேப் பார்த்தோம். செயற்கை நுண்ணறிவு மின்னணு மனித கருவிகள் மூலம் சமூகத்தில் ஏற்பட இருக்கும் பாதிப்புக்களை குறித்து விழிப்புணர்ச்சி பிரச்சாரங்களையும், தீர்வுக்கான விவாதங்களை முன்பே மேற்கத்திய வளர்ந்த நாடுகள் முன்னெடுக்கத் தொடங்கிவிட்டன ஆனால் நம்மை போன்ற வளரும் நாடுகளில் இது குறித்த சிறிய அவதானிப்பு கூட இல்லாமல் இருக்கும் நிலைதான் இருக்கிறது. மேற்கில் தகவல் தொழில் நுட்பம் அறிமுகமாகி மாற்றங்களை ஏற்படுத்திக்கொண்டிருந்த வேலையில் நாம் இங்கே எப்படி அது குறித்த விழிப்புணர்வு இல்லாமல் அசட்டையாக இருந்தோமோ அதே நிலைதான் இப்போது செயற்கை நுண்ணறிவு தொழில் நுட்ப வளர்ச்சியின்போதும் நிலவுகிறது.