பதில்களில் மட்டும் இல்லை விடை

ஒரு பத்திரிக்கையாளர் என்ற வகையில் தொழில்முறையில் காண வேண்டிய பேட்டி என்பதற்கும் வெளியே விரிந்து தனது தனிப்பட்ட அக்கறைகளினூடே அப்பணசாமி தேர்ந்து கண்ட இப்பேட்டிகள் அரிதான பல விசயங்களைப் பேசுகின்றன. கேள்வி கேட்க நான், பதில் சொல்ல நீ என்ற வேலைப்பிரிவினை எதையும் வகுத்துக்கொள்ளாமல் சமநிலையான இருவரது உரையாடல் ரீதியில் கேள்வியும் பதிலும் ஒன்றுக்கொன்று ஆதாரமாக அமையுளவில் இந்தப் பேட்டிகள் நிகழ்த்தப்பட்டுள்ளது தற்செயலானதல்ல. எழுத்திலக்கியத்திலும் நாடகம் உள்ளிட்ட நிகழ்த்துக்கலைகளிலும் ஒடுக்குமுறைக்கு எதிரான அரசியலிலும் மொழி வளர்ச்சியிலும் அவருக்குள்ள ஈடுபாடுதான் இந்த நிலையைச் சாத்தியப்படுத்தியுள்ளது. தமிழகத்தில் குமுதம் தீராநநி இதழில் வெளியான எனது நேர்காணல் பற்றிய ஒரு பதிவினை சில தினங்களுக்கு முன்னர் முகநூலில் எழுதியிருந்தேன். அந்த நேர்காணலைச் செய்தவர் அப்பணசாமி. “ பதில்களில் மட்டும் இல்லை விடை” நேர்காணல் தொகுப்பு நூல் - அப்பணசாமி அப்பணசாமி தமிழகத்தில் பல சமூகம் - பண்பாடு - படைப்பு ஆளுமைகளுடன் நடத்திய நேர்காணல்களின் தொகுப்பு தற்போது நூல் வடிவில் வெளிவந்துள்ளது. அதில் எனது நேர்காணலும் இடம் பெற்றுள்ளது. இந்த நூலில் கி. ராஜநாராயணன் , அசோகமித்திரன் ,நாடக ராமானுஜம் , நாசர், டிராட்ஸ்கி மருது போன்ற 19 ஆளுமைகளின் நேர்காணல்கள் இடம்பெறுள்ளன.