பாரத கீதம்

சிறந்த தமிழ்க் கவிஞர்களின் நாட்டுப் பற்றுப் பாடல்கள் : நீண்ட காலம் அன்னிய ஆதிக்கத்துக்குப் பின்பு நம் மக்கள் அரும்பெரும் தியாகம் செய்ததின் பலனாகப் பெற்ற இச்சுதந்திரத்தை எந்தச் சக்தியாலும் அசைக்க முடியாது என்பதை உணர்வேன். உணர்ந்தும், அபாயம் குறித்து எச்சரிக்கிறேன். நாம் பெற்ற சுதந்திரத்தையும், பிரதேச உரிமைகளையும் கட்டிக் காப்பதற்காக, சுதந்திரத்துக்குப் பின்பு தோன்றியுள்ள இந்தப் பெரும் தொல்லையை ஒழிக்க, வரிந்து கட்டிக் கொள்வோமாக. வெற்றி நமதே என்பதில் எனக்குச் சந்தேகமே இல்லை... ...நாம் எந்தத் தொழில் செய்பவர்களாக இருந்தாலும் சரி, அனைவருமாக ஒரு பெரும் பொறுப்பை ஏற்க வேண்டியவர்களாக இருக்கிறோம். சுதந்திரத்திற்குரிய முழு விலையையும் கொடுத்துத்தான் ஆகவேண்டும். நம் தாய்நாட்டினுடைய, மக்களுடைய சுதந்திரத்திற்கு எந்த விலையும் பெரிதல்ல... ஜவஹர்லால் நேரு (மக்களுக்கு விடுத்த செய்தி, 22-10-62)