பின்நவீன சிந்தனையாளர் -2 (தெரிதா)

மேற்கத்திய தத்துவஞானத்தைக் கேள்விக்குள்ளாக்கியவர் ழாக் தெரிதா. ஐரோப்பியர்கள் இரண்டாயிரம் ஆண்டுகளாக நின்றுகொண்டிருந்த கருத்தியல் என்ற தரையைக் காலின் கீழிருந்து நழுவச் செய்தவர். அவருடைய கட்டவிழ்ப்புக் கொள்கை கலை, இலக்கிய உலகில் பாய்ச்சலை ஏற்படுத்தி இருக்கிறது. தெரிதாவின் வாழ்க்கை மற்றும் அவருடைய படைப்புகள் ஆகியவற்றை அறிமுகம் செய்யும் விதத்தில் எம். ஜி. சுரேஷ் இந்தச் சிறுநூலை எழுதியிருக்கிறார். இந்த நூலில் தெரிதாவின் கட்டவிழ்ப்பு, இயல்கடந்த இருத்தல், மையம்-விளிம்பு போன்ற பிரதான கோட்பாடுகள் பற்றியும் அந்தக் கருத்துகளுக்கு எதிராக எழுந்த எதிர்வினைகள் பற்றியும் எளிய நடையில் விவரிக்கப்படுகின்றன.