கீதாஞ்சலி

ஆசியாவின் மகாகவிகளில் ஒருவரான ரவீந்தரநாத் தாகூருக்கு நோபல் பரிசை வென்று தந்த படைப்பு கீதாஞ்சலி. முதலில் வங்க மொழியில் எழுதப்பட்டு பின்பு அவராலேயே 1912இல் ஆங்கிலத்தில் மொழிபெயர்க்கப்பட்ட இந்தக் கவிதை நூல் இறைவனோடு இணையத் துடிக்கும் பக்தனின் வேட்கையின் வடிவமாகும். கடவுளின் மீதான மனிதக் காதலை மிக எளிமையான சொற்களில் ஆனால் மிகமிக அழகாக வெளிப்படுத்துகிறார் தாகூர்.தெற்காசிய பக்திக் காதல் மரபில் கீதாஞ்சலிக்கு ஒரு பேரிடம் உண்டு. தாகூரின் ஆங்கில வடிவத்தையும் தமிழ் மொழிபெயர்ப்பையும் தாங்கி இரு மொழிப்பதிப்பாக இந்நூல் வடிவமைக்கப்பட்டிருக்கிறது.