கைரேகைக் கொடியில் கனவுப்பூ

கைரேகைக் கொடியில் கனவுப்பூ

ஒரு சொல்லை அடைவதென்பது பிழைப்பின் உயிரை அடைதல் ஆகும். ஒரு சொல்லுக்காகக் காத்திருத்தல் என்பது இறப்புக்கும் பிறப்புக்குமான இடைவெளியில் நிரம்பிக்கிடப்பது.

இத்தொகுப்பின் சிறப்புகளில் ஒன்று கவிதை சரியான இடத்தில் தொடங்குவதும் முறையான இடத்தில் முடிவதுமாகும். குருத்து இலையில் தொடங்கி கண்ணாடி இலையில் முடிகிற வாழைபோன்று சரியான சொற்களைக் களம் இறக்குவது.

செம்மணிக் கிணறாய் வாழ்வு துயரம் புதைந்ததாய் இப்போது மிச்சப்பட்டாலும் கவிந்த மேகத்தின் சாறு வாங்கி பாறைகளைக் கடந்து வேட்கை தணிக்கும் நீர்ச்சரடாய்க் கவிஞரின் வரிகள் முடிவின்றிப் பொங்கட்டும் இனி.

                                                                                                                                 -பச்சியப்பன்