60 நாட்களில் அரசியல்

அரசியல் தூய்மையாக வேண்டும் அரசியல் மக்களுக்கானதாக மாற வேண்டும் நல்லரசியல் நடக்கிற நாடாக வேண்டும் என்கிற எண்ணம் கொண்டவரா நீங்கள்? அப்படியானால் இந்தப் புத்தகம் உங்களுக்கானதுதான். எனக்கு அரசியலே பிடிக்காது நமக்கு எதற்கு அந்த சாக்கடை எல்லாம் ? என்று முகம் சுளிப்பவரா நீங்கள்? முதலில் இந்த புத்தகத்தை நீங்கள் தான் படிக்க வேண்டும். அரசியலில் இறங்கி நம்முடைய மக்களுக்கு ஏதாவது நல்லது செய்ய நினைக்கிறேன். அதற்கு முன்பு அரசியலில் என்னதான் நடக்கிறது என்பதை பளீரென்று தெரிந்து கொள்ள விரும்புகிறேன் என்பவரா நீங்கள் ? அப்படியென்றால் இந்த புத்தகம் உங்களுக்கானதுதான். ஆமாம் நீங்கள் யாராக இருந்தாலும் இந்தப் புத்தகம் உங்களை நிச்சயம் புரட்டிப் போடும். இதுவரை பார்த்த கேள்விப்பட்ட பழகிய அரசியலில் இருந்து புதிதாக பலவற்றை உங்களுக்கு இந்நூல் எடுத்துக்காட்டும். ஏனெனில் நம்முடைய பிறப்பு முதல் இறப்பு வரை எல்லாவற்றையும் இங்கே அரசியல்தான் தீர்மானிக்கிறது.அரசியலின்றி அணுவும் அசைவதில்லை.ஆனாலும் அரசியலில் இருந்து மக்கள் அந்நியப்பட்டுக்கொண்டே இருக்கிறார்கள். அல்லது மக்களிடம் இருந்து அரசியல் அந்நியப்பட்டுக் கொண்டே போகிறது. எல்லாவற்றையும் மேலே இருப்பவன் பார்த்துக்கொள்வான் என்று நீங்களும் நானும் ஒதுங்கிப் போய்விட முடியாது.நம்மைப் பாதிக்காதவரை எதை பற்றியும் கண்டுகொள்வதில்லை என்று ஒவ்வொருவரும் நினைத்து ஒதுங்கிவிட்டால் ஒருநாள் மொத்தமாக இழக்க வேண்டி வரும் . அப்படி நிகழ்வதற்கு முன்பே தடுத்து நிறுத்த வேண்டிய பொறுப்பும், கடமையும் நம் ஒவ்வொருவர் கைகளிலும் உள்ளது. அதற்கான முயற்சிதான் இந்த 60 நாட்களில் அரசியல்.