மானுட வாசிப்பு

மயிலை சீனி வேங்கட சாமியை நேரில் பார்த்திருக்கிறேன். அழகர் கோவில் பௌத்தக் கோவிலோன்னு சந்தேகப்பட்டார். 43 வருசம் கழிச்சு கட்டுரை எழுதிட்டுப் போய் நீங்க எழுதினது சரின்னு சொன்னபோது அவருக்குச் சந்தோசம் தாங்கல. என்னைத் திசை திருப்பிய மூன்று ஆய்வாளர்கள் நா.வானமாமலை, மு.ராகவையங்கார், மயிலை சீனி வேங்கடசாமி. பௌத்தத் துறவிகள் நிறைய மீன் உண்பார்கள். கடையிலிருந்து செத்த மீனா என்று பார்த்து வாங்கிச் செல்வார்கள். ‘கொன்றால் பாவம் தின்றால் தீரும்’ பௌத்தருடையதுதான். ராஜாஜியாலேயே பெரியாரை நிராகரிக்க இயலவில்லை. பெரியார் தான் ராஜாஜியை நிராகரித்தார். பெரியாரை முற்றிலும் நிராகரிப்பது முட்டாள்தனம். பல குற்றச்சாட்டுகளுக்கு காரணம் Local obsession. உள்ளூர்க்காரன் மாதிரி சொந்தக் காரணம். நல்ல உதாராணம் சொல்ல வேண்டும்னா குணா. பெங்களூர்ல கன்னடர்களுக்கு மத்தியிலே வாழ்ந்த அவரு எதற்கெடுத்தாலும் கன்னட எதிர்ப்புதான். ஏன்னா அவருக்கு லோக்கல் அப்சசன்ஸ். “எங்க தெருவுக்கு வான்னா எங்க சாதி எல்லைக்குள்ள வா ன்னு சொல்றது”. பாதுகாப்பற்றவனின் புகலிடம் சாதி. ஒவ்வொரு மனிதனும் படிக்கப்பட வேண்டிய புத்தகம். புனிதம் என்பதே, ஆதிக்கப் பிரிவுகள் தங்களுடைய அடையாளத்துக்காக, தங்களுடைய பிழைப்புக்காக ஏற்படுத்திக்கொண்டதுதான். தாய்மொழி வழிக்கல்வி மறுக்கப்படும்போது கலாச்சாரரீதியா நுட்பமான வேர்களை அறுத்துவிடும். அதனால் தான் மாற்று மொழியில் கல்வி பயில்வதை எதிர்க்கிறோம். தமிழ்க் கல்வெட்டுகள் உணர்த்தக்கூடிய செய்திகள் ஆரியம் அல்லாத ஒரு பண்பாடு. ஆரியம் அல்லாதது என்று சொன்னாலே அது இந்துத்துவத்திற்கு மாற்றானது. தமிழர்களோட மரபு அவைதீக மரபு. நூலிலிருந்து … பேராசிரியர் தொ.பரமசிவன்