மேலே உயரே உச்சியிலே

இலக்கியம் என்னும் கடலில் மூழ்கி முத்தெடுக்க ஒரு ஆயுள் போதாது. இலக்கியம் மட்டுமல்லாமல் இதிகாசங்களுக்குள்ளும், அறிவு நுட்பக் கதைகளுக்குள்ளும் மூழ்கி முத்தெடுத்து வித்தகம் செய்திருக்கும் திரு.வெ. இறையன்பு அவர்களின் இலக்கு நோக்கிய தன்மையை புத்தக உலகில் ஒரு புரட்சி என்றுதான் சொல்ல வேண்டும். புத்தகம் காலத்திற்கேற்ப மனிதனை உருவாக்க வேண்டும் என்னும் கருத்திற்கேற்ப 'மேலே உயரே உச்சியிலே' என்ற இப்புத்தகத்தில் இக்காலத்திற்கு வேண்டிய நியாயங்களை உரக்கப் பேசி, உயர் எண்ணங்கள் மூலமாக உன்னத மனிதர்களை உருவாக்க முடியும் என்கிற அறிவார்ந்த நம்பிக்கை ஒளியை ஏற்றியிருக்கிறார் திரு.வெ. இறையன்பு அவர்கள். இந்தப் புத்தகத்தின் மூலமாக வாசகர்கள் புதிய முயற்சியும் ஆர்வமும் கொண்டு எந்தச் சவால்களையும் சமாளிக்கும் திறன் பெற்று உயர்வார்கள்.