நான் ஏன் பிறதேன்

நான் ஏன் பிறந்தேன்? என்ற இந்தக் கதைக்கொத்தில் எந்தக் கதையுமே வெறும் பொழுதுபோக்குக் கதையாக இல்லை. இவற்றைப் படித்ததால் எனக்கும் என் தவறுகள் புலனாகின்றன. என் சமூக அக்கறை இன்னும் மேலோங்கியது. பிறருடன் ஆறுதலும் தேறுதலுமாக வாழ்வதே பயனுள்ள வாழ்க்கை என உணர்ந்து தெளிந்தேன். உளவியல் மிளிரும் கதைப் பின்னல், மின்சாரம் போன்ற உரையாடல், நம்மை உயர்த்தும் பாத்திரப் படைப்பு எதிர்பாராத முடிவு. பளிச்சென்ற தலைப்பு என அனைத்தும் தந்துள்ள பிரியசகியைத் தமிழ்நாட்டின் முன்னணிக் கதாசிரியர்களில் ஒருவர் என அறிந்து, போற்றிப் பாராட்டுகின்றேன். ஆட்டிசம், மனவளர்ச்சியற்ற குழந்தைகள், கவனச் சிதறல் குறைபாடு. உடலுறுப்பு தானம், டிமென்ஷியா, பால் திரிபு. இரத்த உறவு திருமணம், பாலியல் வன்முறை, நெறிபிறழ் நடத்தை, குடிச்சீரழிவு. வாழ்க்கை இலட்சியம், முதியோரைக் காத்தல், போலிக்காதல், சகமனித நேசம் என உடலியல், உளவியல் சிக்கல்கள் குறித்த விழிப்புணர்வை உருவாக்கும் இக்கதைகள் சமூகம் குறித்த அக்கறையோடு எழுதப்பட்டுள்ளன.