பேராயுதம் மெளனித்த பொழுதில்

பேராயுதம் மெளனித்த பொழுதில்

மிக நம்பிக்கையளிக்கும் 

செயல்பாடுகளினூடே தொடர்கிறது 

கவின் மலரின் பயணம்.

பல தளங்களிலும் கிளைக்கும் இயக்கம் அது.

சீற்றத்தை உட்பொதித்து, 

மெல்லலையாக அவதானிக்கும் நிதானம்.

கவின் மலரின் கவிதைகள், 

ஆதரவற்ற வாய்மையின் கண்ணீர். 

அதன் சார்புகொண்ட ஆவேசம்;

தெளிவும் திடமுமான சமூக வாஞ்சை.

அனுபவங்களின் நேரடி 

மோதலிலிருந்தான தெறிப்புகளாக...

நெரிபடும் தார்மீகத்தின் விடுபடல் 

உந்துதலாக..

அனைத்துடனும் இருத்தலின் 

மூர்க்கப் பற்றாக... 

                                  - யூமா வாசுகி