மனஅமைதி தரும் ஆன்மீக உண்மைகள் 100

நமக்குப் பயன்படும் பல்வேறு சக்திகளும், நமக்குக் கண்கூடாகத் தெரிகின்றன. ஆனால், ஆண்டவன் மட்டும் நமக்குப் புலப்படுவதில்லை. நமக்கு வெளியில் இருப்பதைத்தான் நாம் நம்முடைய கண்களால் பார்க்க முடியும். நமக்கு உள்ளே இருப்பதை நாம் எப்படிப் பார்க்க முடியும்? நம்முடைய உடலுக்கு உள்ளே இருக்கும் உறுப்புகள் நம்முடைய கண்ணுக்குத் தெரிவதில்லை. ஆனால் அவற்றின் இயக்கத்தை நாம் உணருகிறோம். இரத்தத்தை இருதயம் ஓட வைக்கிறது. நாம் உண்ணும் உணவை குடல் ஜீரணம் செய்கிறது. இதைப்போல, இறைவனும் நம்முள்ளே இருக்கிறான்.