வீரவேங்கை ஆதித்த கரிகாலன் (புது விடியல் பாகம் 2)

ராஜராஜ சோழரின் அண்ணன் வீரபாண்டியன் தலைகொண்ட வேந்தன் சோழ இளவரசன் ஆதித்த கரிகாலன் பற்றிய வரலாற்றுப் புனைவு நூல் தான் இது. பொன்னியின் செல்வன் கதை படித்தவர்களுக்கு ஆதித்த கரிகாலர் பற்றி தெரியாமல் இருக்குமா என்ன?? ஏற்கனவே எண்ணிலடங்கா கதைகள் தமிழ் இலக்கிய உலகில் உலா வந்து கொண்டிருக்கிறது இருப்பினும் அதிலிருந்து தனித்துவமாக உருவாக்கப்பட்டிருக்கும் ஒரு படைப்பு தான் இது. இம்முறை ஆதித்த கரிகாலன் தன் இளமைக்காலத்தில் செய்த ராஷ்டிரகூடர்கள் போர் பற்றி இந்த கதை நகர போகிறது, பொன்னியின் செல்வன் கதையில் வாசகர்கள் மனதைக் கவர்ந்த வந்தியத்தேவனின் உண்மை வரலாறும், வரலாற்றில் யாரும் அறிந்திடாத ஆதித்த கரிகாலன் செய்த வீர தீர செயல்களும் அவன் செய்து கொண்ட காதல் திருமணங்களும் இன்னும் வரலாற்றில் யாரும் அறிந்திடாத புதுப்புது கதாபாத்திரங்களோடு புது கதைகளத்தோடும் வரலாறோடும் கற்பனையோடும் உருவானது தான் வீரவேங்கை ஆதித்த கரிகாலன்.