தெ.பொ.மீனாட்சிசுந்தரனார்

தெ.பொ.மீனாட்சிசுந்தரனார்

பல்கலைச் செல்வர் தெ.பொ.மீனாட்சி சுந்தரனார் (1901 -1980) வள்ளல் குடும்பத்தில் பிறந்த சா ன்றோர். இந்திய விடுதலைப் போராட்டத்தில் ஈடுபட்ட வீரர். கல்வி உலகம் செழிக்கப் பல உயர் நிறுவனங்களில் பணியாற்றி மதுரைப் பல்கலைக்கழக முதல் துணை வேந்தராய் விளங்கினார். தமிழ் மொழியில் திறனாய்வு ஒப்பிலக்கணம், மொழியியல் ஆகிய துறைகளில் வல்லுநராக விளங்கினார். காந்தியமும் ஆன்மீகமும் வளரப் பாடுபட்டார். எண்ணற்ற சிறந்த நூல்களையும் ஆராய்ச்சிக் கட்டுரைகளையும் எழுதியுள்ளார். உலகில் அமைதி நிலவச் சமயப் பொதுமை மலர, ஆன்மநேயம் கனியப் பாடுபட்டார்.

டாக்டர் தா.வே. வீராசாமி தமிழ் நாடகம், கட்டுரை நூல்களுக்காகப் பரிசுபெற்ற பேராசிரியர். 20-க்கும் மேற்பட்ட நூல்களை படைத்துள்ளார். பல்வேறு பல்கலைக் கழகங்களில் பணியாற்றினார். பேராசிரியர் தி.அ.சொக்கலிங்கம் அவர்கள் வாயிலாக 1964-இல் தெ.பொ.மீ. அவர்களை அறிந்து அவர் மறையும்வரை தொடர்பு பூண்டிருந்தவர்.