திகட்டாத சூரியன்

அன்பின் பதட்டங்கள் , பரிதவிப்புகள், அணுக்கமும் பிரிவும் நிகழ்த்தும் அனிச்சைகள் மொழிப்படுத்தப்படும் போது இயல்பாகவே ஒரு ரசவாதம் நிகழ்ந்துவிடுகிறது. எழுதுதல் சமயங்களில் தனக்குத்தானே நிகழ்த்திக் கொள்ளும் காயமும் சிகிச்சையும் , மறக்க நினைக்கும் பயிற்சியில் ஞாபகங்கள் இன்னும் பாரமேறுகின்றன.கூருணர்வும் நுண்ணறிவும் கொண்டு உணர்ச்சியை ஒரு கவிதை தக்க வைப்பதும் கடத்துவதும் அதன் கடத்தும் உத்தியை துரிதப்படுத்தும். கவிஞர் அன்பின் நிமித்தமான வாதைகளை இத்தொகுப்பில் திறம்பட கையாண்டிருக்கிறார்.துச்சப்பட்டவர்களின் குரலில் உள்ள ஆழமும் வேட்கையும் வாய்த்திருக்கிறது - நேசமித்ரன்