விவேக்,இனி ஆட்டம் உன் கையில்

குற்றத்தைச் செய்பவர்களுக்குள் உண்டாகும் மோதல்களே அவர்களைச் சட்டத்தின் பிடியில் அகப்பட வைக்கும். வெனிசுலா அதிபர் இந்தியாவிற்கு வரும் போது இங்கேயே தீர்த்துக்கட்ட அங்கிருக்கும் எதிர்கட்சி சூழ்ச்சி செய்து அதற்கான பொறுப்பை இந்தியாவில் இருக்கும் மூவரிடம் ஒப்படைக்கிறது,அதற்காக வரும் பணத்தைப் பங்கு போடுவதில் குழப்பம் ஏற்பட்டு இரு கொலைகள் நடந்தேறுகிறது. இந்தியாவில் இருக்கும் பணக்காரர்கள் வரிசையில் இடம்பெற்ற சரண் அத்வாலே கொடூரமாகக் கொலை செய்யப்பட அதற்கான காரணத்தைக் கண்டுபிடிக்க மும்பை வரும் கிரைம் பிராஞ்ச் போலீஸ் அதிகாரி விவேக்கிற்குச் சில தடயங்கள் கிடைத்தாலும் அது முழுஉருவம் அடையாமல் போக்குகாட்டிக் கொண்டிருக்கிறது. வெனிசுலா அதிபரின் வருகையைக் கேட்ட பிறகே கிடைத்த விவரங்களைக் கோர்வையாக்கிய விவேக் குற்றவாளி சூர்ய தேஜாஸை நெருங்குகிறான்.