விவேக்கும் 41 நிமிஷங்களும்

ஒவ்வொரு மனிதனும் இருவகை முகத்தைக் கொண்டு தான் வாழ்கிறான்,நாம் எதைப் பார்க்கிறோமோ அதை வைத்து அம்மனிதனின் குணத்தை அடையாளம் காண்கிறோம். நீதியரசர் சுந்தரபாண்டியன் நியாயத்தின் மறு உருவமாகத் தன்னைக் காட்டி கொண்டு குற்றவாளிகளுக்குக் கடுமையான தண்டனையளித்து மக்கள் மத்தியில் உயர்ந்து நிற்கிறார். அடுத்த வாரத்தில் தீர்ப்பளிக்கப் போகும் குற்றவாளியை விடுதலை செய்யத் தொடர் மிரட்டல்கள் வந்தவண்ணம் இருக்கிறது.அதை தைரியமாகவே எதிர்கொண்டாலும் வீட்டின் டிரைவரின் கொலையைத் தடுக்க முடியாமல் போகிறது. கட்டிடம் கட்ட பூமியை தோண்டும் போது ஒரு பெண்ணின் மண்டை ஓடு கிடைக்கிறது,அது யாருடையது என்ற விசாரணையை கிரைம் ஆபிஸர் விவேக் தொடங்குகிறார். தனிப்பட்ட வாழ்வில் பெண்கள் விஷயத்தில் மோசமான சுந்தரபாண்டியனால் பல பெண்கள் இழப்புகளைச் சந்திக்கின்றனர். அப்படி ஒரு பெண்ணைத் தான் உபயோகப்படுத்திக் கொலை செய்து புதைத்தது மண்டை ஓடாக வெளிவருகிறது. வெளியில் இருக்கும் பெண்களிடம் எல்லாம் வேலைகாட்டியது போதாது என்று மருமகளிடம் தவறாக நடக்கும் போது மகனாலே கொல்லப்படுகிறார், போலீஸ் நம்ப வேண்டும் என்பதற்காக அவர் கடத்தப்பட்டதாக ஒரு நாடகத்தை அவரின் மகன் அரங்கேற்றினாலும் விவேக்கின் சாதுரியமான நடவடிக்கையால் அப்பாவின் அனைத்து குற்றத்திற்கும் துணையாக இருந்த டிரைவரையும் தான் தான் கொன்றதாக ஒப்புதல் வாக்குமூலத்தை அளிக்கிறான் சுந்திரபாண்டியனின் மகன்.